London uyghur ansambili uyghur seniti arqiliq uyghurlarni tonutmaqta

classic Classic list List threaded Threaded
1 message Options
Reply | Threaded
Open this post in threaded view
|

London uyghur ansambili uyghur seniti arqiliq uyghurlarni tonutmaqta

Aziz Isa
Administrator
London uyghur ansambili uyghur seniti arqiliq uyghurlarni tonutmaqta



Muxbirimiz eqide
2010-10-20

Tamashibinlarning yüksek alqish - Sadaliri ichide qizghin tebriklerge müyesser boluwatqan uyghur xelq naxshisi "oma oruysen" namliq bu naxshini, london uyghur ansambilining muzikant we naxshichisi orunlimaqta.

Öz ana wetinidin ayrilip, sersan bolup yat ellerde yashawatqan uyghurlar üchün uyghur senitining ipadileydighan menasining intayin köp we chongqur bolidighanliqini, siyasiy we ijtimai qimmitining téximu yükseklikke ige ikenlikini toluq tonup yetken, engiliyidiki uyghur jamaiti özi yashawatqan döletning emeliy ehwaligha munasip halda, özliride bar bolghan imkaniyetlerdin, talant igiliridin toluq paydilinip, "London uyghur ansambili" Ni qurup chiqip, uyghurlarning milliy kimlikini, bügünki siyasiy ehwalini we mol medeniyitini britaniye jemiyitige tonushturush yolida izchil türde izdenmekte we tirishmaqta.

Mezkür ansambil 2004 ‏- Yili uyghur naxsha - Muzikisigha ishtiyaq baghlighan bir qanche kishidin teshkillinip resmiy yosunda qurulghandin kéyin, uyghurlarning eneniwi we ammibap naxsha, muzikilirini orunlap, uyghur senitini dunya xelqlirige jumlidin engiliye xeliqige tonushturushni asasi meqset qilghan senet nomurliri bilen engiliyidiki türlük kespiy, ilmiy we ammiwi orunlarning qollishigha ériship kelmekte.



Ansambilning hazirqi naxshichi, muzikant we usulchiliri uyghur diyaridin, qirghizistandin shuningdek uyghur muzika tetqiqati bilen shughulliniwatqan éngiliz muzika tetqiqatchisi hemde uyghur senitige ishtiyaq baghlighan éngiliz muzika heweskarliridin teshkil tapqan bolup, ansambil uyghur ijadiy we xelq ahangliridin ili xelq naxsha - Muzikiliri, kilassik "uyghur 12 muqami" ni orunlaydu.

Ansambil ezalirining köpinchisi, uyghur diyaridin engiliyige musapirliq salahiyiti bilen kelgenliki üchün, tunji qétimliq naxsha ‏- Muzika senitini "london 2005 ‏- Yilliq musapirlar bayrimi" da sehnige élip chiqqan.

London uyghur ansambilining Asasliq qurghuchisi eziz eysa ependi, london uyghur ansambilining qurulush meqsiti we ansambilning nöwette engiliyidiki herqaysi sahelerning qizghin qollap ‏- Quwetlishige sazawer boluwatqanliqi heqqide toxtaldi.

Londonda muzika tetqiqati bilen shughulliniwatqan doktor richal xarris xanim, ansambilning muzika yétekchisi wezipisini ötesh bilen birge, ansambilning duttar mahiri bolup, ziyariitmizni qobul qilghan richal xanim, sözini uyghurche salam bilen bashlidi.

Richal xanim, sozide yene, 5 yildin buyan paaliyet élip bériwatqan ansambilning köp qétim engiliye, norwigiye qatarliq döletlerde ötküzülgen senet féstiwallirigha qatniship, ijabiy bahalargha érishkenlikini bildürüsh bile birge, uyghur senitini gherb elliride namayen qilishning nöwette intayin muhim ehmiyetke ige ikenlikini, uyghur seniti arqiliq uyghurlarning öz ana wetinide chékiwatqan azab ‏- Oqubetlirini, duch kéliwatqan hazirqi siyasiy bésimini we bu milletning ezeldin medeniyetlik, tinchliqni söyidighan, hörlükke we erkinlikke munasip bir millet ikenlikini dunya xelqige anglitish kéreklikini otturigha qoydi.

London uyghur ansambilining uyghurlarni tonuwatqan paaliyetliridin tesirlengen chetelliklerning bahasidin söyüngenlikini bildürgen eziz eysa ependi, kanadadin ewetilgen bir mektüptiki mezmunlarni anglatti.

Norwigiye we irlandiyide ötküzülgen senet féstiwallirigha qatnashqan londun uyghur ansambili, engliyining köpligen sheherliride kishilik hoquq teshkilatliri uyushturghan paaliyetlerde nomur körsetkendin sirt, nuqtiliq aliy mekteplerni öz ichige alghan ilmiy tetqiqat saheliride 30 meydandin köp nomur körsetken bolup, ular yene, 21 ‏- Öktebir küni engiliyining New Castle shehiride bir qanche meydan senet nomuri körsitidiken.

Yuqiridiki awaz ulinishidin, bu heqtiki melumatimizning tepsilatini anglaysiler.

Xewerni anglash:

 http://www.rfa.org/uyghur/xewerler/tepsili_xewer/london-ansambili-uyghurlar-10202010203550.html/u1020-pmm/inline.html?encoding=latin

Xewer menbesi:

http://www.rfa.org/uyghur/xewerler/tepsili_xewer/london-ansambili-uyghurlar-10202010203550.html/story_main?encoding=latin




London Uyghur Ensemble  http://www.uyghurensemble.co.uk